Fahasalamana

Toamasina Feno marary ny hopitaly manarapenitra

Fahasalamana
Alatsinainy 18 Mey 2020

Tena feno marary ankehitriny ny hopitaly manarapenitra CHU Morafeno ao Toamasina ka voatery novana ho toerana fandraisana an’izany indray ankehitriny ny « Foyer Canada », ahitana fandriana 50.

Tao ho ato dia navoakan’ny foibe CCO covid-19 eny Ivato fa saika ahitana olona avy any Toamasina hatrany ireo vaovao voatily fa mitondra an’ity tsimokaretina ity. Efa hentitra dia hentitra aloha ny any an-toerana ankehitriny , raha ny tati-baovao voaray, ny fanaraha-maso an’ireo fepetra ho fiarovana amin’ny fihanaky ny covid-19 toy ny fitondrana « masque » na « cache-bouche » sns…

Ntsoavina Evariste