TAORIAN'NY COVID 19

Nihena hatrany amin'ny 35% ny

Fahasalamana
Alakamisy 04 Septambra 2025

tahan'ny fanaovam-baksiny teto Madagasikara

Nihena hatrany amin'ny 35 % ny tahan'ny fanaovam-bakisiny teto Madagasikara taorian'ny fiparitahan'ny valan'aretina COVID teto amintsika. Na izany aza efa mba tafakatra 86% izy io ankehitriny izay ezahina hahatratra hatrany amin'ny 90% ato anatin'ny efa-bolana raha araka ny fanazavan'ny profesora Randriamanantany Zely Arivelo, Ministry ny Fahasalamam-bahoaka tamin'ny mpanao gazety omaly. Rehefa mihena mantsy ny tahan'ny fanaovam-baksiny dia atahorana ihany koa ny fiparitahan'ny valan'aretina izay nomarihiny manokana fa antony hanaovana ezaka hamatsiana ireo hopitalim-panjakana eto amintsika. Moto cross miisa 1.432 mitentim-bidy 2,191 dolara mahery isanisany izay ny 803 isa avy amin'ny banky iraisam-pirenena raha ny 629 isa avy amin'ny UNICEF /GAVI. Niampy vata mangatsiaka sy kamiao lehibe miisa 2 ho enti-manatitra vaksiny manerana ny Nosy ireo raha teo ihany koa ireo fiara tsy mataho-dalana miisa 13 ho an'ny fanaraha-maso sy fanohanana teknika eny ifotony. Omaly Alarobia 03 Septambra no nanolorana tamim-pomba ofisialy ireo fitaovana ireo niaraka tamin'ny fiara misy vata fampangatsiahana 17 isa avy amin'ny tetikasa Miarova, 22 avy amin'ny UNICEF Gavi. Tanjona ny hanatsarana ny tahan'ny fanaovam-baksiny manerana ny Nosy ka ny antsasak'ireo CSB no hisitraka izany.
Pati
(Sary fanehoana)