Fahasalamana

Setro-tsigara Ny manodidina ilay mpifoka no tena voa mafy

Fahasalamana
Alarobia 31 Mey 2017

Maro ireo olona mpifoka sigara amin�ny ankapobeny. Mahatratra 6 tapitrisa isan-taona, mantsy maneran-tany, ireo olona voasarika hifoka izany. Folo taona no kely indrindra amin�izany, amin�ny ankapobeny, raha mihoatra ny 70 taona no zokiny indrindra.

Eo an-danin’izay anefa dia mahatratra 600.000 ihany koa ireo olona mitondra faisana vokatry ny setroka sigara aparitak’izy ireny, izay miteraka aretin’ny taovam-pisefoana, ohatra, indrindra eo amin’ireo voasokajy ho marefo. Ny 25 %-n’ny setroka sigara fohan’ny olona iray ihany mantsy no mankany aminy, araka ny fanadihadiana natao, fa ny 75% dia miparitaka manerana ireo olona manodidina azy avokoa. Ankalazaina anio alarobia 31 mey ny andro maneran-tany iadiana amin’ny fifohana sigara sy ny fihinanana paraky. Hetsika goavam-be no entina hanamarihana izany, ho antsika eto an-drenivohitra hiarahana amin’ny sampandraharaha misahana izany sy ny ONG SAHA. Hisy ny fanentanana maro samihafa atao amin’ny sarababem-bahoaka, arahin’ny fampahafantarana ilay làlana efa nisy hatramin’izay, fa tsy azo atao mihitsy ny mifoka sigara amin’ny toerana mihiboka. Lohahevitra ampitondra ny hetsika moa ny hoe : “Sakana amin’ny fampandrosoana ny rehetra ny fifohana sigara”.

Pati