Fahasalamana

Seces Antananarivo Miantso fampiatoana fampianarana sy fikarohana

Fahasalamana
Talata 03 Oktobra 2017

Manoloana ny firongatry ny aretina pesta eto amin’ny firenena ankehitriny dia manao antso avo amin’ireo tompon’andraiki-panjakana

rehetra misehatra eo amin’ny fampianarana sy fikarohana ny avy eo anivon’ny sendikan’ireo mpampianatra mpikaroka eto Antananarivo na ny Seces mba hampiato ny asa fanabeazana sy fampianarana sy fikarohana manerana ireo sekoly sy toeram-pampianarana sy fikarohana manerana ny nosy mandra-pifehy ny fianak’ity valan’aretina ity. Ireo tanàna rehetra ahiahiana ho misy tranga rehetra dia tokony handraisana fepetra fampiatoana avokoa aloha satria aleo misoroka toy izay mitsabo. Mankahery sy miray fo amin’ireo rehetra tsy salama izahay, hoy ny fanambarana, ary miaraka ory amin’ireo namoy havan-tiana tsy satry. Ny mitabe, hoy izy ireo, tsy lanin’ny mamba.

J. Mirija