Fahasalamana

Rotorotom-piainana sy fahasahiranana Miombo isa ny Malagasy matin’ny AVC

Fahasalamana
Zoma 05 Janoary 2018

Miha mitombo isa hatrany Malagasy matin’ny aretin’ny fahatapahan’ny lalan-dra any amin’ny loha n any AVC (accident vasculaire cérébral) araka ny filazan’ny mpitsabo.Ny adintsaina mafy loatra mivadika ho rarin-tsaina na “Stress” no mahatonga azy io, ka ireo olona monina sy miasa an-tanan-dehibe no tena maro an’isa voany.

Tena tsy ampy anefa ny fanafody eny amin’ny hopitaly hahafahana manalefaka sy mitsabo io aretina io; araka ny fantatra mantsy dia ny pilina no betsaka kanefa ela fiasa amin’ny olona tratran’ny AVC izy io.NY ranom-panafody atsindrona avy hatrany ihany no vahaolana haingana rah any filazan’ny mpitsabo.Tonga mantsy dia miparitaka amin’ny vatana ary afaka mifehy haingana ny fiakaran’ny tosi-dra izy io .Ezahana ny hanaparitaka ity fanafody atsindrona avy hatrany ity amin’ny hopitaly rehetra manerana an’i Madagasikara mba hampihena ny olona maty vokatry ny AVC raha araka vaovao voaray. Mampatsiahy anefa ny mpitsabo fa ny fisorohana no tena tsara indrindra, izany hoe tokony mahay mandamina ny fiainana , mampitony ny fo sy ny saina ny olona tsirairay avy, tsy tokony ho mora taitaitra na sendoatra fa mahay mifehy tsara ny fihetsem-po, mba isorohana ny aretina sarotra tsaboina to any AVC.

Nangonin’i RTT