RIVOTRA MALOTO SY NY FAHASALAMANA

Ny ao an-trano no tokony hotandremana hoy Dr Fidy

Fahasalamana
Alarobia 17 Septambra 2025

Manomboka miditra tsikelikely mankany amin'ny

vanim-potoanan'ny hafanana isika eto afovoan-tany ankehitriny. Betsaka ireo tsy mahazaka izany fiovan'ny toetr'andro izany arahin'ny rivotra maloto ateraky ny fiara mivezivezy etsy sy eroa sy ny setroka havoakan'ny ozinina isan'andro. Nambaran'ny dokotera Fidy Bariniaina fa efa tranga tsy azo ialana intsony ireto farany fa tsy maintsy hiainana isan'andro. Ny ao an-trano no tokony karakaraina tsara noho izany hoy izy, indrindra fa ny ao amin'ny efitrano fatoriana. Tokony ho tratry ny andro sy hivezivezen'ny rivotra tsara izany hoy izy. Tsy tokony ho be fanaka ihany koa fa azo fafana sy diovina tsara rehefa maloto. Hisorohana ny aretin'ny taovam-pisefoana toy ny kohoka sy ny sery no tanjona. Mikasika ireo olona any ambanivohitra miara-miaina amin'ny biby fiompy moa dia nambaran'ny dokotera Fidy fa tena tsy mety ireny fa mandoto ny rivotra iainana ka mety hiteraka voka-dratsy amin'ny fahasalamana.
Pati
Légende : Izy no dokotera Fidy Bariniaina, sady depiote voafidy tany Manjakandriana !