Fahasalamana

Rano fisotro madio Efa misy ny fitaovana hahafahana mikarakara ireo tsy azo antoka

Fahasalamana
Zoma 12 Mey 2017

50 % raha betsaka indrindra ireo Malagasy misitraka rano fisotro madio eto amintsika.

Ny ankoatra izay dia mbola miaina amin’ny fampiasana ny rano azo avy amin’ny vovo avokoa ankoatra ireo maka rano eny an-tanimbary. Mba ho fanampiana ny isan-tokantrano ary dia nampahafantarina tamim-pomba ofisialy sy nanaovana andrana tany amin’ny kaominina ambanivohitra Masindray omaly ny fisian’ilay fitaovana vaovao fanadiovan-drano, vokarina orinasa vahiny iray. Ny Association d’aides humanitaires (2AH) no mpiara-miombon’antoka aminy, fitaovana izay afaka mamadika ny rano tsy ara-pahasalamana rehetra hanjary ho rano fisotro madio. Raha ny fanazavan’ny tale jeneralin’ny orinasa mpamokatra ity fitaovana ity, Christophe Camparé, dia misintona ny rano tsy voadio izy io, manadio ary mamokatra rano fisotro tena madio avy eo. Azo antoka ny rano vokarin’ilay fitaovana noho izy efa voasedra tany anivon’ireo laboratoara maro sy ny institut Pasteur, ka ny tanjona dia ny hampihenana ny tahan’ireo karazan’aretina azo avy amin’ny fisotroana rano tsy madio toy ny aretin-kibo…Azo entina mandehandeha ity fitaovaa afaka manadio rano hatrany amin’ny 300 litatra ity.

Pati