Fahasalamana

Pharmalagasy Am-pikarohana ireo mpiasa ambony

Fahasalamana
Talata 30 Jona 2020

Eo am-pikarohana ireo mpiasa ambony na ireo izay ho mpitantana ny ozinina goavana mpamokatra fanafody vaovao, Pharmalagasy, ankehitriny ny fitondram-panjakana, raha ny fampitam-baovao voaray hatreto.

Raha tsiahivina ny fanazavan’ny filoham-pirenena mikasika ity orinasa ity dia asaina handrotsaka petrabola na “action” ao anatin’izy io ireo sehatra tsy miankina amin’izao fanombohany izao. Hisy ihany koa anefa ny fandraisan’anjaran’ireo orinasam-panjakana ao anatin’izany. Amin’ny ankapobeny dia ireo ho tale sy/na ho tomponandraikitra eo anivon’ity orinasa vaovao kasaina ho atao goavana indrindra momban’ny fanafody ity moa, no karohina ankehitriny, raha ny fanazavana. Hamokatra ny tambavy CVO amin’ny endriny Gellule na CVO+ no hanombohan’ity orinasa ity ny vokany fa kasaina hamokatra fanafody miisa 12 ao anatin’ny 3 taona ihany koa.

J. Mirija