Otrikaretina Vih

Sida Eto afovoan-tany no tena betsaka voa indrindra

Fahasalamana
Alarobia 27 Martsa 2019

0,3 % ny tahan’ireo olona mitondra ny otrikaretina Vih/sida eto amintsika raha ny nambaran’ny komitim-pirenena miady amin’ny aretina SIDA omaly na ny SE/CNLS.

Eto afovoan-tany no tena betsaka olona mitondra ny aretina, hoy Andrianiaina Harivelo, tompon’andraikitra eo anivon’ny SE/CNLS ankoatra ny any amin’ny faritra be mpizahatany vahiny sy ireo toerana misy famoronana’asa. Miaina anaty tebiteby ny ankamaroan’ny olona, indrindra ireo manana vady na olon-tiana tia mandehandeha. Raha ny fantatra dia mbola mijanona ho 2,6 % ihany koa ny tahan’ny fampiasana fy mailo eto amintsika, fanadihadiana natao tamin’ny 2012 noho izy ireny voalaza fa manelingelina ny mpifankatia mandritra ny fotoana hanaovana firaisana ara-nofo. Mikaon-doha mitady paikady hanatsarana ny ady hatao amin’ny aretina SIDA etsy Anosy avokoa ireo mpiara-miombon’antoka rehetra nanomboka omaly arahin’ny fanaovana jery todika ny asa vita. Tsiahivina fa 0,8 % ny tahan’ireo olona mitondra ity otrikaretina ity maneran-tany raha tafakatra 1,9 % kosa izany aty Afrika ahitana an’i Kénya, Afrika atsimo….loza mananontanona antsika eto Madagasikara.

Pati