Fahasalamana

ORANGE Solidarité Nanolotra fitaovana hiadiana amin’ny pesta

Fahasalamana
Sabotsy 21 Oktobra 2017

Tonga nanolotra fanampiana ho an’ireo fianakaviana manana ny tsy salama sy ireo tompon’andraikitra eny anivon’ny tobim-pitsaboana

mitsabo ny aretina pesta teny amin’ny birao nasionaly misahana ny loza voajanahary omaly ny orinasam-pifandraisana Orange. Tamin’ny alalan’ny fikambanana Orange Solidarité no nanatanterahany ny hetsika, nahitana sarom-bava fiarovana miisa 10.000, aron-tanana 20.000 isa ary tavoahangina gel miady amin’ny bakteria 200 isa manana fatra 1 litatra isanisany. Nambaran-dRamatoa Josia Randriambeloman, filohan’ny fikambanana fa tsy afaka ny hitazam-potsiny ny fikambanana tantanany manoloana izao voina mahazo ny firenena izao. Efa nanampy izahay, hoy izy tamin’ny tondra-dranobe nentin’ny Enawo tany amin’ny faritra SAVA ary mbola hanampy hatrany. Horaisin’ny BNGRC an-tanana avokoa moa ny fizarana ireto fitaovana ireto. Anisan’ny hahazo tombontsoa ny CHAPA Ambohimiandra, ny CHU Befelatanana, ny CHU Anosiala Ambohidratrimo, ny CHU JRA, ny hopitaly ao Anosy Avaratra, ny hopitaly ao Andohatapenaka, ny hopitalin’ny reny sy ny zaza etsy Tsaralalana, ny hopitaly eny Itaosy.

Pati