Fahasalamana

Olana ara-pitaovana Nanome 72 ora ny fitondrana ireo Paramédicaux

Fahasalamana
Alatsinainy 20 Aprily 2020

Mbola tsy tena mivaha hatreto ny olana ara-pitaovana ho an’ny mpiasan’ny fahasalamana.

Manoloana ny zava misy ankehitriny amin’ny fiatrehana ny COVID-19, manoloana ny olana sedrain’ny mpiasan’ny fahasalamana, dia nanaitra ny Fitondrana ireo mpitsabo mpanampy na "Paramédicaux" izay voakasikin’ny "Réquisition "ny anio Alahady 19 Aprily 2020. Voalazan’ny fanambarana fa tsy ampy ny fitaovana entin’izy ireo manatanteraka ny asany eo ampiatrehana ny aretina COVID-19, ary mbola tsy voafehy ny atao hoe « Cas communautaire ». Isan’ireo notsindrian’izy ireo manokana ihany koa ny resaka tambin-karama na ny "indemnité". Naneho fa mbola vonona ny hifanome tànana amin’ny fiatrehana ny Valan’aretina COVID-19 ireo Paramédicaux, ka nanome 72 ora hamaliana ny fitarainana satria ady aman’aina fa tsy kilalaon-jaza ny asan’izy ireo.

Toky R