Fahasalamana

Partagé sur :
• facebook

Tsy mbola misy mandeha amin’ny laoniny ny fitantanana sy fandaminana ny fampandehanana ny rano fisotro madio ao amin’ny Kaominina Ambonivohitra Betafo Antsirabe tato anatin’ny volana maromaro izay.

 Misy aza ny « borne fontaine » ho an’ny sarambabem-bahoaka, izay nampanantenaina fa handeha tsara avokoa hatramin’ny 15 novambra 2017 teo  nefa hatramin’izao mbola misy tsy mandeha mihitsy. Nanapa-kevitra ny mponina any amin’ity kaominin’i Betafo ity miaraka amin’ny fikambanana Fibemih (Fikambanan’i Betafo Miray) sy ny Carduc Madagasikara mpiaro ny zon’ny mpanjifa hanangana fikambanan’ny mpanjifa rano fisotro madio ao Betafo, izay hiantsoana ireo mpanjifa isaky ny Ilot na quartier rehetra isam-pokontany, ka hisy ny biraon’izany ho solontenan’ny mpanjifa ifotony hiaraka amin’ ireo herivelona ao an-tanàna handrafitra Komity iray hiaraka hivory sy hifandinika ary hifanakalo hevitra mivantana sy malalaka tsy hisy fanampenam-bava intsony amin’ireo tompon’andraikitra isan-tsokajiny hijery ny vahaolana iaraha-manapaka ho amin’ny fanatsarana sy ny fanamorana ny fahazoan’ny vahoaka rehetra ny rano fisotro madio ao Betafo. Tapaka fa ao anatin’ny fivoriana izay hatao ny alarobia 29 novambra 2017 tolakandro ao amin’ny Tranompokonolona Betafo no hanaovana izany sy handinihana ihany koa ny hoavin’ny orinasa mitantana ny ranon’i Betafo nampidirin’ny ben’ny tanàna tamin’ny fomba tsy nazava nefa tsy manana traikefa velively amin’ny asa fampidiran-drano ary farany hitakiana ny fandraisan’ny ao amin’ny minisiteran’ny rano fanampahan-kevitra hentira sy haingana mifandraika amin’izany fomba fiasa izany sy hitakiana ihany koa ny hamerenana tsy misy hatakandro intsony ireo paompin-drano rehetra notapahina nefa nandeha tsara tao Betafo hatramin’izay.

Ntsoavina Evariste

Tia Tanindrazana

Samia mijoro ho an'i Gasikara.