Fahasalamana

Partagé sur :
• facebook

Ao anatin’ireo laharam-pahamehana dimy eo anivon’ny Ministeran’ny Fahasalamam-bahoaka ny fananganana foto-drafitr’asa sy ny fampitaovana azy, mba hisian’ny tolotra ara-pahasalamana misy fiatraikany mivantana eny amin’ny sosialim-bahoaka.

 Ho an` ny faritra Diana, nanomboka ny 01 oktobra lasa teo dia niroso tamin`ny asa famaritana ny toerana hananganana ny foibem-pahasalamana fototra (CSB) manara-penitra ao Antsoha Antsiranana ka ny avy eo anivon’ny SMGSSE sy ny « services contentieux » ao amin’ny DRSP DIANA no niandraikitra sy nisahana izany. Manantona vahoaka ny tobim-pahasalamana. Afaka hikarakara ny fahasalamany ny mponina any amin` ireo kaominina sy fokontany lavitra andriana. Manao ahoana kosa anefa ireo CSB efa am-perinasa? Ankoatra ny tsy fahampian` ny fitaovana dia olana goavana koa ny tsy fahampian`ny olona. Ny ankamaroan` ireo CSB mihataka tanan-dehibe dia Paramed iray ihany no miasa ao no sady mitsabo no manao fampandehanan-draharaha. Na mpampivelona (sage-femme) io, na mpitsabo (infirmière). Tranga nisy tany Ambahitra sy Tongobory, disitrikan`i Betioky, dia “sage-femme” bevohoka no mitazona ny CSB tany an-toerana. Vokany tamin` izy niteraka dia tsy nisy nitsabo ny olona, ny vehivavy tsisy mampiteraka, ny ankizy tratran'ny tsy fanjarian-tsakafo dia tsisy mpanara-maso. Mila hanaovan' ny Fanjakana ezaka be io fivangongoan'ny dokotera sy ny mpiasan` ny fahasalamana an-tanan-dehibe io. Efa nisy fotoana, tamin` ny andron-dRajaonarimampianina, nomena “kit de fidélité” ny dokotera sy paramed manaiky hiasa any ambanivohitra saingy toa tsy nandaitra ilay izy.

Marigny A.

Tia Tanindrazana

Samia mijoro ho an'i Gasikara.