Fahasalamana

Mpiasan’ny fahasalamana Notoloran’ny fanjakana Amerikana arotava 4.000 isa

Fahasalamana
Zoma 10 Jolay 2020

Nahazo arotava miisa 4.000 ireo mpiasan'ny fahasalamana lohalaharana amin’ny ady atao amin’ny COVID-19 ao Toliara sy Moramanga.

Izany dia vokatry ny fiaraha-miasa eo amin'ny United States Africa Command izay namatsy ny fividianana ireo arotava vita eto an-toerana, ny Ministeran'ny Fahasalamam-bahoaka izay namaritra ny toerana handray izany, ary ny USAID Madagasikara izay ny tetikasa ara-pahasalamana IMPACT tanterahan’ny PSI Madagascar, miaraka amin’ny Sampandraharaham-paritry ny fahasalamana, no nikarakara ny fandefasana ny fitaovana any amin’ireo mpiasan’ny fahasalamana. Nanampy tamin’ny fanomezana tao Moramanga ihany koa ny mpiara-miasa ao amin'ny tetikasa USAID RANO WASH. Ity fanomezana ity dia fanampin’ny famatsiam-bola mitentina 2,5 tapitrisa dolara natolotr’i Etazonia hanohanana ny ady ataon’ny fanjakana malagasy amin'ny COVID-19, sy ny vola 2,2 tapitrisa dolara nalaina avy amin’ny tetikasan’ny USAID izay efa voalahatra eo amin’ny sehatry ny fahasalamana iadiana amin’ny valanaretina coronavirus.

Jean D.