Fahasalamana

Mpampivelona eto Madagasikara Mbola tena tsy ampy isa

Fahasalamana
Sabotsy 06 Mey 2017

Mbola tena tsy ampy ny mpampivelona eto amintsika. Mpampivelona iray mantsy miandraikitra vehivavy 50.000 raha tokony ho 5.000 isa izany. Eo an-danin�izay anefa dia tsy manana mpampivelona afa-tsy 3.000 isika eto Madagasikara.

Anisan’ny antony mbola mampahazo vahana ireo reny mitondra vohoka maty eo am-piterahana io. Toy izany koa ireo zaza menavava marobe mamoy ny ainy tsy fidiny. Ireo olona sahirana ara-pivelomana matetika no tena mahita faisana, indrindra fa ireo miteraka eny anivon’ny hopitalim-panjakana. Saika hiharan’ny fanilikilihana hatrany mantsy izy ireny, indrindra fa ireo tsy manan-katoraka mihitsy, hany ka miafara amin’ny famoizany ny ainy. Miantso ny hiarovana hatrany ny ain’ny reny sy ny zaza araka izany ny UNFPA. Nankalazaina omaly ny andro iraisam-pirenena ho an’ny mpampivelona. Lohahevitra nampitondraina ny hetsika ny hoe : “Mandritra ny fiainan’ny reny sy ny fianakaviana, eo anilany foana ny rasazy”.

Pati