Fahasalamana

Minisitry ny Fahasalamana Zava-dehibe aminy ny fitantanana mangarahara

Fahasalamana
Alatsinainy 06 Jolay 2020

Nitafa sy nifampidinika tamin’ireo filohan’ny Sendika sy solontenan’ny mpiasa ao anatin’ny Ministeran’ny Fahasalamam-bahoaka ny Minisitry ny Fahasalamam-bahoaka Pr Ahmad Ahmad sy ny Sekretera Jeneraly Pr Solofomalala Gaëtan Duval ary ny Talen’ny kabinetra ny 03 jolay 2020.

Nitatitra ny hetahetan’ireo mpiara-miasa amin’izy ireo tsirairay avy, sy ny tolotanana afaka ataon’izy ireo amin’ny fiatrehana ity valanaretina COVID-09 ity ireo Filohan’ny sendika. Teo ihany koa ny tatitra izay nataon’ny Minisitra sy ny Tale Jeneraly ny momba ireo fanampiana efa voaray sy ireo paik’ady entin’ny Ministera amin’izao vanim-potoana sarotra lalovan’ny firenena izao. Namafisin’ny Pr Ahmad Ahmad fa zava-dehibe aminy ny fitantanana mangarahara ka hiezaka ny tenany mba hahafahan’ireo rehetra miasa eny amin’ny Tobim-pahasalamana, misitraka ireo zo fototra sy hahatsapan’izy fiarovana feno, ka anisany paik’ady hahatanteraka izany ny fanaraha-maso ifotony. Nanentana ny rehetra ihany koa ny tenany ny mba hifanampy, hiara-hiasa, hifanome tanana amin’ity ady atao ity. Naneho ny fahavononany hifampiresaka sy hitady vahaolana miaraka amin’ireo sendika ihany koa ny Minisitra.

Jean D.