Fahasalamana

Manomboka mamely ny pesta Efa 8 ny tranga tamina distrika 4

Fahasalamana
Alatsinainy 02 Novambra 2020

Manjakandriana, Anjozorobe, Manandriana, Vohibato, raha ny fanazavan’ny Talen’ny fampiroboroboana ny Fahasalamana eo anivon’ny Minisiteran’ny Fahasalamam-bahoaka Dr Manitra Rakotoarivony tamina fampahalalam-baovao iray ny sabotsy teo.

Tao Vohibato dia efa nahitana tranga dimy. Miisa 8 ireo trangana pesta efa teny amin’ny tobim-pahasalamana, raha ny fanazavana. Tsy tokony hisalasala hanantona ny tobim-pahasalamana raha misy mampiahiahy, ary maimaimpoana ny fitsaboana raha voamarina fa pesta no mahazo ny marary iray. Isan’ny miteraka ny fipariahan’ny pesta haingana dia haingana ny loto sy ny fako, ary fotoana mampahazo vahana azy ny volana oktobra miditra novambra tahaka izao. Mila mailo sy mitandrina, ary indrindra mandray fepetra haingana ny rehetra, toy ny eto Antananarivo izay misavovona ny fako. Maloto sy mikorontana ny tanàna, ary mbola tsy voaala ny fako politika efa natao fitaovana tamin’ny fifidianana. Ho zava-doza, raha izao no mitohy, ka ny coronavirus tsy foana, dia manangasanga sy efa mamely ny pesta.

Toky R