Fahasalamana

Kitrotro sy Bonibony Ireo no nafangarontsika tato ho ato, hoy ny dokotera

Fahasalamana
Alarobia 27 Febroary 2019

Ny otrikaretina VZV na “virus varicelle zona”, hoy ny dokotera Domoina Soakanto Rakotonoely, mpitsabo ny aretina kitrotro sy ny fianakavian’ity aretina ity, no tena miparitaka tato ho ato

. Ny valanaretina kitrotro sy ny fianakaviany no nandripaka ny volana oktobra hatramin’ny janoary ary io hita ho niverimberina tato ho ato io, hoy izy. Ny kitrotro dia in-dray mandeha tsy miverina eo amin’ny fiainana fa ny fianakaviambeny no mety miverina. Anisan’izany ny Bonibony izay mitovitovy ihany ny fisehony satria samy mafampana, latsa-dranomaso, tsy mahinan-kanina. Izay no matetika hampifangaroantsika azy. Misy karazan’aretina toy izany. Tahaka ny nendram-boalavo kosa izao dia io otrikaretina hoe Zona io no endrika fiverenany. Marary dia marary ny faritra misy ilay kibontsimbotsina eo amin’ny vatana rehefa tratran’io. Ny fahendrena, rehefa misy tranga hafahafa dia ny manatona mpitsabo ihany no vahaolana.

J. Mirija