Fahasalamana

KIS Madagascar sy ny minisiteran’ny fahasalamana Hanatanteraka fizaham-pahasalamana maimaimpoana

Fahasalamana
Alatsinainy 03 Jolay 2017

Tsy manana fahafahana ny hitsabo tena intsony ny ankamaroan’ny olona ankehitriny, noho ny hasarotan’ny fiainana.

Anisan’ny antony nanosika ny fikambanana Kis Madagascar hikarakara ilay hetsika fizaham-pahasalamana maimaimpoana etsy amin’ny lapan’ny tanànan’Analakely ny 06 ka hatramin’ny 08 jolay ho avy izao, hiarahany amin’ny minisiteran’ny fahasalamam-bahoaka. Ankoatra ny fanaovana didimpoitra faobe ho an’ireo manan-janaka lahikely tsy mbola vita, iarahana amin’ny dokotera Fidy Bariniaina, dia hisy ihany koa ny fitiliana maimaimpoana ny aretina Vih/sida, ny diabeta, ny homamiadan’ny vozon’ny tranonjaza sy ny nono, izay harahina torohevitra momba ny fahasalamana. Tanjona ny mba hahafahana manamaivana ny olana sedrain’ny tsirairay amin’ny fiainana andavanandro, indrindra fa ireo sahirana ara-pivelomana sy tsy manam-piahy. Ho an’ny Clinique Fidy Ambatomainty manokana dia an-jatony ireo tapakila efa nozarain’izy ireo nefa mbola betsaka ireo tsy nahazo.

Pati