Fahasalamana

KAOMININA TALATAMATY Hidina hitety tokantrano, hanasazy ireo maloto

Fahasalamana
Alatsinainy 09 Oktobra 2017

Tena kapok’Andriamanitra ity aretina pesta miseho eto amintsika ity hoy ny Ben’ny tanànan’ny kaominina Talatamaty Rado Razafindratsimba.

Raha tsy misy trangan-javatra tahaka izao mantsy dia tsy ho tonga saina hihetsika amin’ny asa fanadiovana mihitsy ny vahoaka sy ny fitondram-panjakana, hoy izy. Ho an’ny kaominina iadidiany manokana dia fantatra fa hanomboka hidina hitety tokantrano izy ireo ka hisy mihitsy ny fanasaziana ireo maloto. Hiarahana amin’ireo tompon’andraikitra isan-tsokajiny ny hetsika ho fiarovana sy ho fitandroana ny aim-bahoaka. Anisan’ny kaominina nahitana trangan’aretina pesta tao amin’ity kaominina ity. Olona avy any amin’ny faritany no nitondra azy saingy efa voafehy tanteraka ankehitriny.

Pati