KAOMININA ANDRANONAHOATRA

Zazalahy kely am-polony no noforaina maimaim-poana

Fahasalamana
Talata 02 Jolay 2024

Toy ny kaominina rehetra dia nanatanteraka famoran-jaza faobe indray ny kaominina Andranonahoatra,

distrikan’Atsimondrano ny faran’ny herinandro teo. Dokotera efa raikitra miara-miasa amin’ny kaominina isan-taona no nanao ny fandidiana tamin’ny fomba amerikana. Zazalahy kely am-polony no nisitraka sy nahazo tombontsoa tamin’izany nanerana ireo Fokontany mandrafitra ny kaominina. Nambaran’ny Ben’ny tananan’Andranonahoatra nandritra ity hetsika ity fa miezaka manao asa sosialy hatrany izy ireo entina hanamaivanana ny fahasahiranam-bahoaka. Ho avy tsy ho ela ohatra ny fanaovany tatitra ny asa vitany tao anatin’ny kaominina nandritra ny 4 taona nitantanany mba ho fantatry ny besinimaro izany.
Pati
Legende : Nandritra ilay hetsika famoran-jaza faobe !