Kambana niraikitra

Voasaraka soa aman-tsara i Tahinjanahary sy Fanambinantsoa

Fahasalamana
Zoma 09 Aogositra 2024

Tontosa soa aman-tsara ary nahitana fahombiazana afak’omaly Alarobia 07 Aogositra

ny fandidiana sy fampisarahana ireo zazakely kambana mirahalahy niraikitra (siamois), antsoina hoe : Tahinjanahary sy Fanambinantsoa, tao amin'ny Hopitalim-panjakana CHU-JRA Ampefiloha. Raha tsiahivina kely dia zazalahy kely roa telo volana sy tapany izy ireo, avy any amin'ny Kaominina Atsimadilo, Distrikan’ Arivonimamo. Noraisin'ny Ministeran'ny Fahasalamam-bahoaka an-tànana ny fikarakarana azy ireo nanomboka tamin'ny fahaterahany ka hatramin' izao fandidiana fampisarahana azy ireo izao. Marihina fa tsy maintsy niandry azy ireo ho ampy lanja vao niroso tamin'ny fandidiana ny tompon’andraikitra. Mpitsabo maro no niara-nisalahy nanantotosa izany. Mitohy hatrany kosa arak'izany ny fitsaboana sy ny fanaraha-maso akaiky azy roalahy kely ireto.
Pati
Legende : Tafasaraka soa aman-tsara tahaka izao izy mirahalahy kely ireo raha niraikitra teo amin’ny valahany sy ny fitombenany !