Fahasalamana

Hopitaly HJRA Nanome ra maimaimpoana ireo mpino Silamo

Fahasalamana
Alatsinainy 07 Septambra 2020

Mbola tsy miverina amin’ny laoniny hatreto ny isan’ireo mpanome ra tonga manatona an-tsitrapo etsy amin’ny foibe nasionaly misahana ny famindrana ra etsy amin’ny hopitaly HJRA Ampefiloha.

Mijanona ho 120 paosy isan’andro anefa ny filan-dra eto amintsika antony nanosika ireo mpino Silamo hanatanteraka izany asa soa izany. Nanolotra ra maimaimpoana ho an’ny mpiara-belona izy ireo ny sabotsy teo, hetsika efa fanaony isan-taona. Tanjon’izy ireo ny hanamaivanana ny fahasahiranan’ny tompon’andraikitra amin’ny fitadiavana ra ho an’ireo vehivavy saro-piterahana nodidiana ka mila ra ankoatra ireo marary mafy mila izany. Ireo mpino Silamo eo anivon’ny CRA Antohomadinika moa no nanatanteraka izany izay marihina fa mitaiza sy manabe ireo zaza kamboty sy tsy misy mpiahy ihany koa.

Nangonin’i Pati