Fahasalamana

Hopitaly HJRA Ampefiloha Simba ny fitaovana fitarafana, voatery mivoaka any ivelany ny marary

Fahasalamana
Alarobia 12 Jona 2019

Andro maromaro izao no efa simba ary tsy azo hampiasaina intsony ny fitaovana fanaovana fitarafana eo anivon’ny hopitaly HJRA Ampefiloha toy ny scanner izay any amin’ny fototra mihitsy no misy olana sy ny ampahany amin’ny fanaovana radio.

Voatery mivoaka any ivelany ireo marary tsy maintsy mila izany ka ny hopitaly no miantoka ny fitondrana ilay marary amin’ny alalan’ny ambulance, izay nomarihin’ny profesora Rakotoalison Oliva fa tsy handoavam-bola. Noho ny asa mafy efa nataon’ity fitaovana iray ity tamin’ireo olona nitsabo tena tao no anisan’ny niteraka ny fahasimbany ka misy ireo “piece” tsy maintsy mbola hafarana avy any ivelany vao hiverina amin’ny laoniny indray. Tsy voafaritra ny fotoana hahatongavany hatreto. Notsiahivin’ny profesora ho an’ireo olona tonga mitsabo tena ao amin’ny HJRA fa iray ihany ny olona miandry ny marary iray raha mandeha tsiroadroa kosa ireo mpamangy hisorohana ny mety ho fiparitahan’ny aretina hafa hamely ireo marary mila fitsaboana indray.

Pati