Fahasalamana

HOPITALY BEJOFO MAHITSY Misy hatrany ilay fitsaboana amin’ny alalan’ny tsindrona volamena

Fahasalamana
Alakamisy 01 Septambra 2022

Misy hatrany ilay fitsaboana amin’ny alalan’ny tsindrona volamena ao amin’ny hopitaly Bejofo Mahitsy. Misy ihany koa ny fitsaboana hampiasaina ny vantozy, raha araka ny vaovao azo.

Fantatra izany nandritra ny varavarana misokatra nanomboka omaly tanterahina ao amin’ity hopitalibe ao Mahitsy ity haharitra 3 andro. Ankoatra ny fanaovana fitarafana maimaim-poana dia misy ihany koa ny fitsaboana sy fanalana nify, ny fandidiana….Raha araka ny fantatra hatrany moa dia efa 40 taona ny niarahana niasa tamin’ireo dokotera Sinoa ireo dokotera miasa eo anivon’ity hopitaly ity. Voky sy ampy traikefa tsara izy ireo amin’ny ankapobeny saingy mbola tsy ampy. Miisa valo mantsy ireo dokotera ao an-toerana ka ny telo ihany no mpandidy raha mitontaly 75 isa ireo mpiasa rehetra. Tamin’ny taona 1902 moa no niorina ny hopitaly ao Bejofo Mahitsy.
Pati
Legende : Ny hopitalibe ao Bejofo Mahitsy.