Fahasalamana

Hopitaly Befelatanana Nahazo fitaovana fameloman’aina ho an’ny zazaHopitaly Befelatanana Nahazo fitaovana fameloman’aina ho an’ny zaza

Fahasalamana
Alarobia 07 Martsa 2018

Nahazo toeram-pitsaboana vaovao sy fameloman’aina ho an’ny zaza vao teraka ka hatramin’ny 15 taona, ny hopitaly Befelatanana. Omaly no nanokanana tamim-pomba ofisialy izany, izay vokatry ny fiaraha-miasan’ny fitondram-panjakana Malagasy sy ny vondrona Rasseta,

ny pompier d’urgence international ary ny région Aquitaine any Frantsa. Nambaran’ny filoham-pirenena Hery Rajaonarimampianina, fa izao fotodrafitrasa izao no natsangana dia entina hanamaivanana ny fahasahiranan’ireo renim-pianakaviana rehetra manan-janaka tsy salama, mandalo eo anivon’ity tobim-pitsaboana iray ity izay marihina fa any ambony no misy azy. Ankoatra ny vonjy taitra mantsy, hoy ny minisitry ny fahasalamam-bahoaka, ny profesora Andriamanarivo Mamilalatiana, dia misy sampandraharahan’ny famelomanaina faran’izay henjana ao amin’ity tobim-pitsaboana ity ary betsaka ihany koa ireo karazam-pitaovana hita ao aminy, toy ny “couveuse” izay vao natolotry ny vadin’ny filoham-pirenena omaly, ny toerana hahafahan’ny ankizy milalao… Ezahina hanaraka ny fenitra iraisam-pirenena avokoa moa ireo fitaovana rehetra hampiasaina ao amin’ity tobim-pitsaboana natokana ho an’ny zaza ity.

Pati