Fahasalamana

Hopitaly Befelatanana Betsaka ireo mpiteraka tsy mahaloa vidim-panafody

Fahasalamana
Talata 15 Desambra 2020

Betsaka ireo mpiteraka tsy mahaloa ny volan’ny hopitaly Befelatanana isan-taona.

Lohalaharana amin’ireny ny vidim-panafody indrindra fa ho an’ireo vehivavy nodidiana natao “césarienne”. Amin’ny ankapobeny anefa dia efa tazonina ny karapanondron’izy ireny mba hahafahany mandoa tsikelikely izany saingy mbola misy ihany ireo tsy mahaefa noho ny fahasahiranana. Raha araka ny fantatra dia mahatratra 9 tapitrisa Ar isan-taona io vidim-panafodin’ny hopitaly tsy voaloha io ka miteraka fahasahiranana ho an’ny hopitaly. Fikambanana tsy miankina iray no tonga nanolotra fanampiana ho an’ireo vehivavy vao tera-bao tao amin’ny hopitaly Befelatanana ny faran’ny herinandro teo. Saika nisitraka izany avokoa ny ankamaroan’ireo mpiteraka, hetsika tafiditra ao anatin’ny fankalazana ny fetin’ny Krismasy sy ny faran’ny taona.

Pati