Fahasalamana

Hopitalin’ny reny sy ny zaza Tsaralalana Hahazo « eau vive » 600 isam-bolana avy amin’ny Star

Fahasalamana
Zoma 09 Jona 2017

Betsaka amin’ireo Ray aman-dReny tonga mitondra zaza marary etsy amin’ny hôpitalin’ny Reny sy ny zaza etsy Tsaralalana amin’izao no misedra olana. Noho ny tsy fahampian’ny ho enti-manana no anton’izany noho ny famoaham-bola hividianana fanafody…Tafiditra ao anatin’izany ny rano, indrindra fa ireo manana zaza lasibatry ny aretim-pivalalana sy ny tsy fahampian-drano. Mba ho fanampiana azy ireo dia tonga nanolotra « eau vive » 600 isa ho an’ny hôpitaly ny vondrona Star omaly, notarihin-dRamatoa Anna Rabary, sekretera jeneraliny. Hitohy isam-bolana izany raha araka ny fantatra, fiara-miasa efa naharitra fito taona. Nisy ny fanavaozana ny Sonia fifanekem-piaraha-miasa teo amin’ny roa tonta nandritra izany raha tamin’ny volana Novambra taona 2016 ny farany.Tao anatin’ny hafaliana tanteraka no nanatanterahan’ny profesoraYannick Lalaina Robinson, talen’ny hôpitalin’ny reny sy ny zaza ao Tsaralalàna izany izay nanantitrantitra fa tena manampy betsaka azy ireo tokoa amin’ny fitsaboana ireo zaza marary tonga manatona azy izao fanampiana izao. Miisa 300 isam-bolana moa raha tsiahivina ireo zaza sy ankizy tsaboina ao amin’ity hôpitaly iray ity.

Pati