Fahasalamana

Hopitalim-panjakana Eny amin’ny “cession” irery ihany no mandoa vola

Fahasalamana
Talata 23 Febroary 2021

Tsara ny mampahafantatra fa eny anivon'ny toeram-pitsaboana rehetra miankina

amin'ny fanjakana dia misy toerana voatokana handoavana ny saran'ny tolotra ara-pahasalamana antsoina hoe "Cession", hoy ny fampahatsiahivana avy amin’ny minisiteran’ny fahasalamam-bahoaka. Sahia mandà kolikoly ! Eny amin'ny "Cession" irery ihany manefa ny saram-pitsaboana manomboka izao, hoy hatrany ny fanentanana. Efa ela moa no nahenoana fitarainana fa misy mitady haka vola sy hanambaka tsotra izao kanefa ny olona efa marary na sahirana mikarakara marary, izany hoe, manararaotra ny fahamehan’ireo olona ny tompon’andraikitra sasany eo anivon’ny fitsaboana. Heverina, noho izany, fa isan’ny nandraisana fanapahan-kevitra toy izao izany ary ny haha fongotra izay fahalovana izay moa no iriana hatrany.

J. Mirija