Fahasalamana

Hopialy Itaosy Maimaimpoana ny fitaterana ireo vehivavy hiteraka

Fahasalamana
Sabotsy 18 Aprily 2020

Anisan’ny mitondra faisana amin’izao fandalovan’ny tsimok’aretina coronavirus eto amintsika izao ireo vehivavy bevohoka.

Ankoatra ny fitandroana fatratra ny toe-pahasalamana mantsy ho fiarovana ilay zaza ao am-bohoka sy ny tena dia lasa adin-tsaina ihany koa ny fiara hitondra raha handeha hisafo na hiteraka. Nahita vahaolana mifandraika amin’izany ny Ministeran’ny Fahasalamam-bahoaka sy ny UNFPA. Ny CHRD 2 eny Itaosy, distrikan’Antananarivo Atsimondrano no nisantarany izany izay hanomezan’izy ireo fiara maimaimpoana hitaterana ireo vehivavy bevohoka handeha hisafo sy hiteraka. Nanomboka ny alarobia 15 Aprily teo ity tolotra ity, haharitra iray volana izany hoe : tsy hifarana raha tsy ny 15 mey ho avy izao. Tanjona ny hanalana fahasahiranana ireo tokantrano miandry vahiny ao anatin’izao fiatrehan’ny firenena maneran-tany ny coronavirus izao. Ny laharam-pinday 033 28 307 08 moa no antsoina ho an’ireo izay mila izany.

Pati