Fahasalamana

Homamiadan’ny vozon’ny tranonjaza 200 000 Ar ny saran’ny fitiliana

Fahasalamana
Talata 13 Martsa 2018

2 hetsy Ar ny saran’ny manao fitiliana ny homamiadan’ny vozon’ny tranonjaza eto amintsika, raha aloa vola. Izany indrindra no nanosika ny Fondation Akbaraly sy ny fikambanana Pachamama hanatanteraka ilay fitiliana maimaimpoana eny amin’ny fokontany Ambatoroka nanomboka omaly alatsinainy 12 martsa.

Iarahana amin’ilay fiara mandehandeha antsoina hoe : Luisa, ahitana ireo karazam-pitaovana faran’izay raitra indrindra toy ny télémedicine izany hahafahana mamoaka ny sarin’ilay vozon’ny tranonjaza marary eo no ho eo ary hitadiavam-bahaolana avy hatrany amin’ireo dokotera manampahaizana any ivelany. Omaly fotsiny dia efa nahatratra 250 ireo vehivavy tonga nisoratra anarana teo anivon’ity fokontany iray ity. Natomboka tamin’ny fandraisana ny anaran’izy ireo izany. Nitohy tamin’ny fitsapana ny nono mba hahafantarana ilay aretina homamiadana, niampita tamin’ny fitarafana mihitsy ho an’ireo ahiahiana nipaka hatrany amin’ny fanaovana fitiliana ny vozon’ny tranonjaza. Hitohy ao amin’ny fokontany Manakambahiny moa ny hetsika rahampitso alarobia.

Pati