HETRAKETRAKY NY HAFA

Namoy ny ainy i Benja mpanotra eny Anosisoa

Fahasalamana
Alakamisy 31 Jolay 2025

Mahatsiaro ho banga ny tanànan’Anosisoa ao anatin'ny Boriborintany Fahaenina

nilaozan’i Benja mpanotra na Ratsioriharimanana Benja. Itompokolahy mantsy no mpitsabo ireo mponina eny amin'ny manodidina sy avy amin’ny toeran-kafa amin'ny alalan'ny otra. Vokatry ny daroka nataon'ny mpitandro filaminana iray azy teny amin’ny 67 Ha no voalaza fa nahafaty an'ity mpanotra ity. Vao tamin'ny Zoma 26 Jolay lasa teo no nalevina ny vatana mangatsiakany. Voatery naato ihany koa ny fikasan’Itompokolahy sy ankohonany noho ity tranga ity. Nikasa hifindra monina any Nosy Bé mantsy izy mianakavy kely. Indrisy anefa fa tsy mpandahatra isika fa alahatra. Teo amin'ny faha-56 taonany Itompokolahy izao nandao ny tany izao ka ny zanany lahimatoa indray no lasa mandimby ny asany.
Nangonin'i Pati
Légende : Ireo vady aman-janak' Itompokolahy mitantara ny olana sedrainy !