Fahasalamana

Haitarika momba ny fahasalamana Hampiharina hatrany an-tokantrano

Fahasalamana
Alakamisy 29 Jona 2017

Taorian’ny fanadihadiana nizahana izay faritra ahitana taha ambony amin’ny resaka fahafatesan’ny reny sy ny zaza natao tany amin’ny faritra Matsiatra ambony sy atsinanana ary

Analamanga dia mitohy hatrany ny fampiofanana haitarika eo amin’ireo mpisehatra anatin’ny tontolon’ny fitsaboana eto amintsika izay tontosain’ny MSH na ny management Science of Health izay rantsana iray miara-miasa amin’ny rafitra amerikanina Usaid sy ny minisiteran’ny fahasalamana. Efa natolotra nandritry ny atrikasa tetsy amin’ny hotely Panorama Andrainarivo ny zoma teo moa ny fandaharan’asa LDP+ izay miompana amin’izay resaka hitarika any anaty fitsaboana izay ary hita ho nahomby izany, hoy ny mpandrindra, Virginia Razafindrakoto, raha ny fivoarana momba ny fandraisan’ireo mpitsabo ny marary tamin’ireo toerana niarahana niasa. Ny tanjona dia ny hitaran’ny vokatra isan-tokantrano mba hihena, ohatra, ireo mpisotro toaka sy mpamono vady.

Mirija