Fahasalamana

FONDATION ORANGE Nanampy ireo dokotera miasatena any ambanivohitra

Fahasalamana
Sabotsy 18 Martsa 2017

Mbola betsaka ireo reny sy zaza maty eo am-piterahana eto amintsika. Anisan�ny tanjon�ny minisiteran�ny fahasalamam-bahoaka ny hampihenana izany araka izay tratra ka eo anelanelan�ny 300 ka

hatramin’ny 478 amin’ny isan’ny reny 100.000 velona teraka no isa henjehina hatramin’ny taona 2019 raha eo anelanelan’ny 26 ka hatramin’ny 17 isa kosa no henjehina ho an’ny zaza velona miisa 1.000. Mba hahafahana manatanteraka ny hetsika dia nanolotra fampitaovana toy ny latabatra fiterahana sy kojakoja maro samihafa ho an’ireo dokotera miasa tenany any ambanivohitra miisa 46 mivondrona ao amin’ny Santé Sud ny Fondation Orange. Tamin’ny alalan’ny Orange Solidarité Madagascar no nanatanterahany izany, lanonana notanterahina tetsy amin’ny ANYMA Andrefanambohijanahary. Fantatra fa efa tamin’ny taona 2002 no niasa tany amin’ireo faritra fito eto amintsika ny Santé Sud Madagascar. Tanjon’izy ireo ny hanampiana ireo vehivavy tonga miteraka eny anivon’ireo tobim-pitsaboana tsy miankina ireny raha eo ihany koa ireo zaza vao teraka. Ho an’ny Fondation Orange kosa dia efa betsaka ireo asa sosialy nosahanin’izy ireo. Anisan’izany ny resaka fanabeazana, ny fahasalamam-bahoaka, indrindra fa ny mahakasika ny reny sy ny zaza tahaka izao.

Pati

Legende : Nandritra ny fanolorana ny fitaovana omaly