Fahasalamana

Fitsaboana Traditionnel Malagasy Miara-miasa amin'ny Hafari ny Dr Jean Pierre R

Fahasalamana
Zoma 15 Mey 2020

Tsy mpikambana ao intsony, efa lasa ao amin’ny FITRAMA Tsy mpikambana ao amin’ny FI ASTRAMA fitsaboana nentim-paharazana nisy azy nandritra ny 11 taona intsony dokotera Jean Pierre Rakotondranaivo.

Efa nanangana ny FITRAMA izy ( Fitsaboana Traditionnel Malagasy) hiarahany amin’ny fikambanana Hafari Malagasy izay mitsabo ny Malagasy amin’ny alalan’ny zava-maniry. Eny amin’ny 67 ha sy eny Anosizato no misy ny foibeny ankehitriny, manao bioscan sy mikarakara ireo manana olana ara-pahasalamana rehetra. Raha araka ny fanazavany dia anisan’ny antony nialany tao amin’ny FI ASTRAMA ny fampifangaroana ny fitsaboana hataony izay mizotra lalina mankany amin’ny fikarohana ny zava-maniry amin’ny asan’ireo mpimasy.Ekena hoy izy fa nianga tamin’izany avokoa ny mpitsabo nentim-paharazana saingy efa mila vokatra azo tsapain-tanana izao. Hatreto raha araka ny fanazavany dia efa mahatratra 200 ireo olona nahazo tombontsoa tamin’ny fitsaboana nataony teto Antananarivo ka anisan’ireny ireo lehilahy tsy miteraka izay nohatsaraina ny tsirin’ainy. Toraka izany koa ireo vehivavy tsy mety mahazo zaza….Marihina moa fa mamboly zava-maniry mihitsy dokotera Jean Pierre any Farafangana hahazoany ireo karazam-panafody manasitrana aretina maro ao aminy. Mampiasa olona 50 isa izy amin’izany mioty ireo ravin-kazo ireo ka ny enton’izany no hampiasainy hitsaboana ireo marary. Nisaotra manokana ny filoham-pirenena moa ny tenany noho ny famelan’ity Ray aman-dRenin’ny Malagasy ity hanome vahana ny fanafody vita avy amin’ny zava-maniry nateraky ny fikarohana nataon’ireo manam-pahaizana maro.

Pati