Fahasalamana

Fitsaboana nentim-paharazana Manaja etika sy deontolojia ny FITRAMA…

Fahasalamana
Alatsinainy 24 Aogositra 2020

Orinasa iray misehatra amin’ny fampiroboroboana ny fitsaboana nentim-paharazana amin’ny alalan’ny zava-maniry ny Mpitsabo Malagasy FITRAMA, tantanan-dRafanomezantsoa Jean Nirina.

Manaja ny etika sy ny deontojian’ny Fitsaboana nentim-paharazana ny orinasa raha araka fanazavany tamin’ny mpanao gazety, manaraka ny lalana manan-kery ao amin’ny kaodin’ny fahasalamana momba ny didy aman-dalana mifehy ny fitsaboana Malagasy. Ireo mpitsabo nentim-paharazana maro mivondrona ao anatiny ary manana mari-pahaizana no miara-miasa aminy mampiodina ny orinasa. Fanafody raitra raha araka ny fanazavany hatrany no hampiasaina amin’izany efa nahitam-pahombiazana an-taonany maro. Nampanarahina ny fenitra ihany koa ny efitrano hampiasaina handraisana ireo marary raha toraka izany ny fitaovana sy ny mpiasa izay efa manana traikefa avokoa. Natao ho zakan’ny maro ihany koa ny saran’ny fitsaboana sy ny vidin’ny fanafody. Na izany aza dia notsiahivin-dRafanomezantsoa Jean Nirina fa tsy mpitsabo ny tenany ary tsy mbola nitsabo olona saingy andraikitra noraisiny kosa ny handraharaha ao anatin’izany sehatra izany ankoatra ny fanatsarana ny etika sy ny dentolojian’ny fitsaboana nentim-paharazana.

Pati