Fahasalamana

Fitsaboana maimaimpoana Nanomboka ny talata teny Andavamamba ny hetsiky ny Ahmadiyya

Fahasalamana
Zoma 11 Mey 2018

Ny gripa, ny sery, ny kohoka ary ireo karazan’aretina azo avy amin’ny loto amin’ny ankapobeny no tena mahazo antsika Malagasy, raha ny fanazavan-dry zareo avy eo anivon’ny fikambanana Ahmadiyya izay manatanteraka fitsaboana maimaimpoana etsy Andavamamba nanomboka ny talata teo.

Olona miisa 2.000 moa no efa nisitraka izany tany Toliara sy Fianarantsoa ny herinandro teo ka saika izay avokoa no olana mahazo ireo marary rehetra, raha ny tatitra voaray. Ireo zaza amam-behivavy ary ireo zokiolona no tena mahita faisana amin’izany saingy na izany aza dia nambaran’ireo mpitsabo fa azo tsaboina tsara ny aretina. An-jatony ireo tonga namaly ny antso raha iny omaly tolakandro iny. Dokotera 3 avy any Alemaina izay mivondrona ao anatin’ny fikambanan’ireo dokotera Silamo Ahmadiyya no manatanteraka ny asa fitsaboana ka tsy mifidy moa, raha tsiahivina ny fanazavana, ireo aretina zahana. Ny fanafody ihany koa dia omena maimaimpoana. Tsy mitsabo ireo karazan’aretina mila fanaraha-maso sy fitsaboana maharitra toy ny homamiadana kosa anefa izy ireo.

J. Mirija