Fahasalamana

Fitsaboana eto An-drenvohitra Paosin-dra 140 isan’andro no ilaina

Fahasalamana
Alatsinainy 23 Jolay 2018

Mitombo hatrany ny filàn-dra eto amintsika, indrindra fa ny eto an-drenivohitra. Tsy ampy intsony ilay paosin-drà 120 isa isan’andro teo aloha.

Efa mananika ny 140 paosy mantsy izany, raha araka ny fantatra, ka ireo olona marary mafy mila fandidiana maika sy ireo vehivavy saro-piterahana no tena mila izany. Hatreto anefa dia vao ny 15 %-n’ny mponina eto an-drenivohitra ihany raha betsaka no manana ilay finiavana hanome rà maimaim-poana ny mpiara-belona, antony nanosika ny Airtel hanome rà maimaim-poana hamatsiana ireo marary eny amin’ny hôpitaly. Ny faran’ny herinandro teo no nanatanterahany izany notronin’ireo mpiasa marobe, notarihin’Atoa Maixent Bekangba, tale jeneralin’ny Airtel. Tanjon’izy ireo amin’izany ny mba hahafahana manolo-tanana ireo mpiara-belona mila rà maika, indrindra fa ireo sahirana arapivelomana. Tsiahivina moa fa raha mila paosin-drà iray ny marary iray mila fandidiana maika dia paosin-drà roa no takalon’izany ho an’ny foibe fitehirizan-drà etsy amin’ny hôpitaly HJRA. Olona salama tsara, tsy misy aretina, tsy mampinono, tsy tonga fadim-bolana no azo alaina rà.

Pati