Fahasalamana

Fitsaboana aretina Afaka ampiasana tambazotran-pifandraisana

Fahasalamana
Sabotsy 10 Martsa 2018

Omaly no nampahafantarina tetsy amin’ny Hotel Carlton Anosy ilay Tahiry iombonan’ny fitsimbinana ny fahasalaman’ny rehetra (CNSS).

Tolotra iray izay iarahan’ny minisiteran’ny fahasalamana sy ny tambazotran-pifandraisana eto Madagasikara. Araka izany dia mila mampiasa finday mba ahafahana mahafantatra ny momba ny fahasalamana ny olona mpikambana. Mila miditra mpikambana ihany koa izany ny olona izay liana ary amin’izany firotsahana ho mpikambana izany no ahafahana misitraka ny tolotra. Afaka mahafantatra ny aretina mahazo azy ilay olona ka omena izay dokotera, fanafody eny fa na dia ny toera-pitsaboana na hôpitaly akaiky azy araka izany. Mazava ho azy fa mila mampiditra fahana amin’i finday raha te hahafantatra ny momban’ny fahasalamany ny mpikambana. Afaka fantarina ao ihany koa na ny torohevitra ara-pahasalamana sy ny tolotra maro samihafa mahatsara ny mpikambana. Ny vola miditra aloan’ny mpikambana amin’izany no ifampizaran’ny ministera sy ny tambazotran-pifandraisana ka rehefa tojo aretina ny mpikambana dia tsy mandoa vola intsony satria efa nanome tany am-piandohana.

Tsiry