Fahasalamana

Fitrandrahana rano any Atsimo Efa potika sahady ny 30 %-n’ireo fotodrafitrasa natsangana

Fahasalamana
Alarobia 28 Martsa 2018

Tsy misy manjary ny fitrandrahana rano fisotro madio any amin’ny Faritra Atsimo. Raha ny vaovao azo dia ny 30 %-n’ireo fotodrafitrasa natsangana hatreto no efa potika sahady.

Ankoatra izay, raha ny anazavana azo tamina tompon’andraikitra iray avy any amin’iny Faritra atsimon’ny nosy iny dia mahazo laka tanteraka any an-toerana ny rano masira. Raha mahatratra 150 mantsy ireo lavaka lavahana hisintomana rano dia ny 100 amin’ireo ihany no misy raha mbola rano masira ihany koa no azo amin’ireo lavaka 50 ambiny. Mahatsiaro ho sahirana ireo tompon’andraikitra isan-tsokajiny, antony nanatanterahana ilay atrikasa momba ny famatsiana rano fisotro madio niarahana tamin’ny UNICEF teny Ankorondrano, omaly. Ny fampirisihina ireo mponina any an-toerana mba hamboly hazo aloha hatreto no hitan’ireo tompon’andraikitra fa vahaolana arahin’ny fitarihan-drano avy any amin’ny distrikan’i Farafoday.

Pati