Fahasalamana

Fitiliana diabeta Nahasarika olona marobe

Fahasalamana
Alakamisy 01 Desambra 2016

Fahombiazana tamin�ny ankapobeny ilay hetsika fitiliana diabeta maimaimpoana notanterahin�ny AMADIA ( Andiana Malagasy miady amin�ny Diabeta) sy ny Pharmadiff tetsy amin�ny lapan�ny tan�nan�Analakely omaly.

Nihoatra ny tanjona nokendrena mantsy ny isan’ireo tonga nanohana ny antson’izy ireo noho ny tahotra ity aretina ity. Ny tahotry ny sao dia ho afa-jaza na hitaiza zaza tsy salama ho an’ny vehivavy bevohoka no tena nampihazakaza azy ireo raha olana iraisan’ny maro ny tahotra ny ho jamba, hotapahan-tongotra na ny fahatongavan’ny aretin’ny voa sy ny fo ary ny lalandra tampoka noho ny diabeta. Raha voatsabo ara-potoana anefa ny olona iray raha araka ny fanazavan’ny dokotera Haja Andriamamonjisoa dia tsy maintsy handaniana 3 tapitrisa Ar isam-bolana mba hanaovana “dialyse” izay vao afaka manohy ny fiainany ara-dalàna indray. Maromaro ihany moa ireo fantatra fa lasibatr’ity aretina ity omaly, ho an’ireo tonga nanao fitiliana izay horaisin’ny AMADIA an-tanana avy hatrany ny fikarakarana azy. Tsiahivina fa hetsika efa fanaon’ny Pharmadiff isan-taona ny tahaka izao. Ankoatra an’Antananarivo dia efa nivoaka nitety faritra ihany koa izy ireo.

Pati