Fahasalamana

Fikarohana tany Singapour Miseho amin’ny endrika "Dengue" ny Coronavirus

Fahasalamana
Alatsinainy 04 Mey 2020

Afaka miseho ho tahaka ny aretina dengue izay azo avy amin’ny kaikitry ny moka ny coronavirus, hoy ny mpikaroka any Singapour.

Miseho amin’ny endrika fanaviana sy ny karazana hidihidy amin’ny vatana, ary tsy miseho ny covid-19 amin’ny andro voalohan’ny faharariana. Nisy lehilahy 57 taona tena nanavy be, ary nikohaka. Nihena be ny “plaquettes sanguins” karazana singa sy rà nikoriana tamin’ny vatany, kanefa tsy nisy natahorana raha ny fitiliana tamin’ny resaka taovam-pisefoany. Tsy nisy soritra dengue raha notiliana fa dia “negatif” .Voamarina kosa anefa fa mitondra ny tsimokaretina covid-19ity lehilahy ity. Nisy vehivavy 57 taona ihany koa tratry ny tranga tahaka izany. Raha ny fikarohana nataon’ny Social Science Research Network (SSRN) any Wuhan Chine ihany koa dia miseho amin’ny endrika gripa ny coronavirus. Mety hiovaova hatrany amin’ny in-32 izy, raha ny fanazavana efa nentina manam-pahaizana eto amintsika, ka mety ho isan’ny endrika isehoany izany ny Dengue sy ny Gripa. Eto amintsika izay efa misy dengue any Mahajanga, izay mampitombo ny ahiahy.

Toky R