Fahasalamana

Fihinanana odin-kankana Isan- telo volana ho an’ny zaza, isaky ny roa taona ho an’ny lehibe

Fahasalamana
Alarobia 04 Jolay 2018

Betsaka ireo olona tsy maharaka intsony ny fotoana tokony hihinanana odin-kankana noho ny rotorotom-piainana isan’andro.

Tafiditra ao ireo manan-janaka madinika tokony hanome ny zanany odin-kankana isaky ny telo volana, hoy i dokotera Fidy Bariniaina. Ao anatin’io telo volana io no lehibe ny kankana iray raha vao tafiditra ao an-kibo ka mila alana avy hatrany. Ho an’ny olon-dehibe indray dia isaky ny roa na telo taona no mety ary isaky ny 12 volana ho an’ireo monina any ambanivohitra. Nomarihiny fa avy amin’ny alalan’ny tanana maloto, rano na sakafo maloto no mahatonga ny kankana. Mampahia be izy raha vao tsy afaka, hany ka tsy mahazo aina mihitsy ilay olona. Nambarany fa mahafaty ny odin-kankana diso daozy. Tsy azo atao ihany koa ny mividividy ny fanafody fahatany eny amin’ny trano fivarotana madinika eny satria miankina amin’ny lanja sy ny taonan’ilay olona ny fatran’izy ireny.

Pati