Fahasalamana

Fiaraha-miasa ara-pahasalamana Manamafy ny fahavononany ny USAID

Fahasalamana
Talata 03 Novambra 2020

Tonga nanao fitsidihana ombam-panajana ny Minisitra, Pr Rakotovao Hanitrala Jean Louis, teny amin'ny Birao fiasany eny Ambohidahy ny "Mission Director"-n’ny "USAID" miasa sy monina eto Madagasikara John Dunlop, omaly 02 novambra.

Nandritra izany no nampahafantarany tamin'ny fomba ofisialy ny Tale-paritra vaovao miandraikitra ny Fahasalamana, Sophie Brewer. Naneho fahavononana feno ny vahiny ary nanamafy ny fahazotoany hitondra ny anjara birikiny amin'ny fanomezana fitsaboana mendrika ny vahoaka. Zava-dehibe ho an'ny vahoaka malagasy ny fiaraha-miasa toy izao, hoy ny Minisitra, ary nantitranteriny fa ny zavatra rehetra atao dia tokony hisy fiantraikany mivantana any amin'ny vahoaka. Nomarihina, fa ny "USAID" dia miara-niasa akaiky hatrany amin'ny Ministeran'ny Fahasalamam-bahoaka, amin'ny ady amin'ny Tazomoka amin'ny alalan'ny Tetikasa "IMPACT", eo amin'ny sehatry ny fampiroboroboana ny fahasalamana amin'ny alalan'ny Tetikasa "ACCESS".

Toky R