Fahasalamana

FI.TRA.MA Misy misoloky sahady ny fanafody vokariny

Fahasalamana
Zoma 03 Jolay 2020

Misy misoloky sahady ny fanafody vita avy amin’ny zava-maniry vokarin’ny Fitsaboana Tradisionela Malagasy na ny FI.TRA.MA raha araka ny tafa nataon-dRafanomezantsoa Jean Nirina filohany tamin’ny mpanao gazety.

Milaza ireo olona misoloky ireo fa manana birao eny Soavimasoandro ary mandray olona nefa tsy mbola misy biraon’izy ireo eny an-toerana raha araka ny fanazavana azo hatrany. Efa miparitaka izany fanafody izany ary misy soratra mihitsy ilay tavoahangy misy azy hoe : FI.TRA.MA. Manoloana io tranga io dia fantatra fa hitory ny FI.TRA.MA. Nomarihin-dRafanomezantsoa Jean Nirina fa tsy mampaninona azy na iza na iza hisehatra amin’ny asa fitsaboana nentim-paharazana. Tsy ekeny kosa anefa ny fitondrana ny anaran’ny FI.TRA.MA entina hamitahana na hisolokiana olona, indrindra fa ireo mpiara-belona manana olana ara-pahasalamana. Miantso ny rehetra mba ho mailo sy hitandrina araka izany ity filohan’ny FI.TRA.MA ity.

Pati