Fahasalamana

Fetin�ny reny Voakarakara manokana ireo tera-bao ao Befelatanana

Fahasalamana
Sabotsy 27 Mey 2017

Tsy manadino ireo vehivavy vao tera-bao tonga miteraka etsy amin�ny hopitaly Befelatanana ny orinasam-pifandraisana Airtel amin�izao ankatoky ny fetin�ny reny izao.

Tonga nanolotra fanomezana toy ny savony, ncouche, thermos, akanjokely ho an’ ireo renim-pianakaviana miisa 100 izy ireo omaly, hetsika efa fanaony isan-taona. Tsy vao sambany no nanohana ny hopitaly Befelatanana ity tambajotram-pifandraisana iray ity. Vao haingana, ohatra, no nanolotra couveuse maromaro izy ireo, antony nahatonga ireo couveuse ao Befelatanana hahatratra folo ankehitriny. Kojakoja natokana ho an’ireo zaza menavava miisa folo ihany koa no mbola hatolony ao amin’ireo hopitaly ao Antsiranana sy Toliara ary Farafoday anio sabotsy, hetsika mbola tafiditra ao anatin’ny fankalazana ny fetin’ny reny hatrany. Nambaran’ny tale jeneralin’ny Airtel Maixent Bekangba fa ny reny no fototra maha firenena ny firenena iray ka tsy azo hatao tsinontsinona. Vonona izy ireo ny hiara-kiasa amin’ny hopitaly hahafahana manohana azy ireny ho fitsinjovana ny isan-tokantrano.

Pati