Fahasalamana

Farmasia sy toby fitehirizam-panafody Nahemotra ny fandinihana ny « tolo-dalàna Voninahitsy »

Fahasalamana
Zoma 05 Novambra 2021

Nodinihan’ny Solombavambahoaka tamin’ny fivoriambe azon’ny besinimaro natrehina omaly 4 novambra ny tolo-dalàna laharana faha-003-2021/PL

« modifiant et complétant certaines dispositions de la Loi n° 2011-002 du 15 juillet 2011 portant Code de la Santé » natolotr’Atoa Voninahitsy Jean Eugène. Rehefa niady hevitra nandritra ny adin’ny telo ireo Solombavambahoaka mahakasika ny tokony hitsaharan’ny asan’ny «Dépôt de médicaments» na toby fitahirizina fanafody rehefa misy Farmasia eny amin’ny 10 km manodidina azy dia tapaka fa ahemotra ny fandinihana ity tolo-dalana ity noho ny fahitana fa mbola mila fifampidinihana lalindalina kokoa izany mba ho tombotsoan’ny rehetra.
Toky R