Fahasalamana

Fanentanana ara-pahasalamana Miditra an-tsehatra ny fampiasana SMS

Fahasalamana
Sabotsy 27 Mey 2017

Vita sonia ny alatsinainy 22 mey 2017 teo ny fifanaraham-piaraha-miombon�antoka ho fanomezan-danja ny fahasalamana eto Madagasikara teo amin�ny minisiteran�ny fahasalamana, ny PSI Madagascar ary ny Telma Madagascar.

Tanjon’ny fiaraha-miasa eo amin’ny telo tonta ny fanentanana ny vahoaka hahay hitondra tena ara-pahasalamana amin’ny alalan’ny fampisitrahana azy ireo ny torohevitra tsara ho fantatra sy ny fanapahan-kevitra mila raisina. Fanambin’ny Telma Madagascar ny hanentana Malagasy 3 tapitrisa mahery hatramin’ny faran’ny taona 2017 amin’ny alalan’ny SMS (Soratra Maro Sosona). Asa tena sarotra ny fampitam-baovao ara-pahasalamana, hoy ny minisitry ny Fahasalamam-bahoaka ny profesora Mamy Lalatiana Andriamanarivo. Toky nomen’ny fitondrana Malagasy tamin’ny fanaovan-tsonia ny fanambaran’i Abuja moa ny fanokanana ny 15%-n’ny tetibolam-panjakana ho an’ny sehatry ny fahasalamana manomboka ny taona 2015. Niiba hatrany anefa io vola natokana ho an’ny fahasalaman’ny vahoaka Malagasy io : 6,1% ho an’ny tetibola 2016, 5,5% ho an’ny 2017 ary hilatsaka 4,6% ho an’ny taona 2018.

Ramano F.