Fahasalamana

Fandidiana maimaimpoana Nisitraka izany ireo vaky lanilany

Fahasalamana
Zoma 30 Martsa 2018

Marary manana fahasamponana toy ny sima sy vaky lanilany miisa 150 mahery no misitraka ny fandidiana maimaimpoana ataon'ny Santé Plus Antsirabe sy ny fikambanana Les enfants de Noma avy any Frantsa.

Andiany faha-5 ity, izay nanomboka ny 20 martsa teo ary nitohy tamin'ity herinadro ity. Ifarimbonan’ny mpitsabo teratany vahiny sy ny an’ny "Santé Plus" Antsirabe ny manao ny fandidiana, fa ireto farany no miandraikitra ny fanaraha-maso ny fahasalaman’ireo marary aorian’ny fandidiana. Nambaran'i Dr Rakotoson Benjamina fa mety vokatry ny tsy fahampian-tsakafo sy ny fisian'ireo akora simika toy ny "Uranium" ary ny fisotroana tambavy mandritra ny fitondrana vohoka no mety miteraka itony fahasamponana itony. Hitohy amin’ny volana mey ho avy io ny hetsika saingy ireo manana olana na fahasembanana amin’ny rantsam-batana no hatao fandidiana amin'izany.

Caius R.