Fahasalamana

Fanafody tsy ara-dalàna amidy etsy sy eroa Mitaraina mafy ireo farmasiana

Fahasalamana
Alarobia 27 Febroary 2019

Mihamahazo vahana hatrany ireo varotra fanafody tsy ara-dalàna eto amintsika. Ankoatra ireo fahita mahazatra eny amin’ny tsena madinika toy ny épicerie dia tsy lazaina intsony ny eny Ambohipo izay toerana ahitana ireo karazam-panafody rehetra amin’ny vidiny mora.

Raha araka ny fanadihadiana natao dia ireo olona manana aretina mitaiza tsy maintsy mihinana fanafody mandavan-taona sy ireo manana ny marary eny amin’ny hopitaly no tena mpanjifan’izy ireny. Ny olana anefa dia misy amin’ireo fanafody hamidin’ireo fianakaviana mivelona amin’izany no efa lany daty raha araka ny fijoroana vavolombelona nataona marary iray ka vao mainka mampitombo ny aretina mahazo azy. Misy fiantraikany goavana amin’ireo farmasiana ihany koa ity varotra fanafody tsy ara-dalàna eto amintsika ity. Araka ny fanadihadiana natao mantsy dia mihena an-toerana hatrany ireo mpanjifan’izy ireo fa lasa mitady ireny mpivarotra fanafody amoron-dalana sady mora ireny. Tsy hitanay izay hatao, hoy ny farmasiana iray satria ny fanjakana aza tsy mandray ny andraikiny. Raha ny fantatra dia efa eo am-pamolavolana paikady hanenjehana azy ireny ny minisiteran’ny fahasalamam-bahoaka ankehitriny koa andrasana izay mety ho vokany.

Pati